Yadro xodimi ish serveriga yuz minglab surat yukladi

AQSh Energetika vazirligining yadro obyektlariga kirish huquqiga ega bo‘lgan xodimi ish serveriga 187 mingdan ortiq erotik surat yuklagani sababli xavfsizlik ruxsatidan mahrum qilindi. Bu haqda Zamin.uz xabar berdi.

Ushbu holat haqida 404 Media nashri xabar berdi. Ma’lumotlarga ko‘ra, erkak o‘zining shaxsiy pornografik arxivini hukumat kompyuteriga tasodifan yuklab olgan.

U ushbu materiallardan sun’iy intellekt asosida “robot pornografiyasi” yaratish uchun o‘quv bazasi sifatida foydalanmoqchi bo‘lgan. Olti oy o‘tib, hamkasblari ichki serverda minglab ochiq sahnali suratlar to‘planganini aniqlab, tekshiruv o‘tkazishgan.

Ma’lum bo‘lishicha, xodim 1990 yillardan boshlab to‘plagan arxivini ish kompyuteriga ko‘chirgan, biroq tizim shaxsiy va korporativ fayllarni ajratishni bilmagan. Hisobotda aytilishicha, u yillar davomida depressiyadan aziyat chekkan va o‘zini nihoyatda yolg‘iz his qilgan.

So‘roq jarayonida aybini tan olgan, biroq harakatlarini katta jinoyat deb hisoblamagan. Shuningdek, u rahbariyatning ortiqcha qattiqqo‘lligidan norozi bo‘lgan va tergov jarayonini Ispan inkvizitsiyasiga qiyoslagan.

Xodim xavfsizlik ruxsatidan mahrum etilgach, apellyatsiya shikoyati bilan murojaat qilgan, ammo psixologik baholash natijalari uning holatini og‘ir deb topgan va qaror o‘z kuchida qolgan. Ushbu voqea yadro obyekti xavfsizligi va xodimlarning mas’uliyati muhimligini yana bir bor eslatadi.