Shifokor Mettyu Perrining o‘limi uchun qamaldi
2025 yil 4-dekabr kuni Kaliforniya shtatida shifokor Salvador Plasensiya aktyor Mettyu Perrining o‘limi bilan bog‘liq ish bo‘yicha 30 oy qamoq jazosiga hukm qilindi. Bu haqda Zamin.uz xabar berdi.
Bu haqda BBC xabar berdi. Ma’lum bo‘lishicha, shifokor mashhur "Do‘stlar" seriali yulduzini noqonuniy ravishda ketamin moddasi bilan ta’minlagan.
Sud jarayonida Plasensiya sodir etgan xatti-harakatlari uchun afsusda ekanini bildirdi va uzr so‘radi. U bunday xatti-harakatlariga o‘z klinikasining moliyaviy muammolari va katta miqdordagi pul vasvasasi sabab bo‘lganini ta’kidladi.
"Mening qilgan ishlarga oqlovim yo‘q. Bo‘lgan voqealarni ortga qaytarib tuzatolmasligimni bilaman.
Uning onasi aytganidek, men uni himoya qilishim kerak edi. Juda katta afsusdaman," dedi Plasensiya sud zalida.
Shifokor to‘rtta ayblov bo‘yicha aybini tan oldi. Ishda qatnashgan boshqa to‘rtta gumondor, jumladan Perrining shaxsiy yordamchisi va "ketamin malikasi" laqabli shaxsga nisbatan hukm keyingi oylarda chiqarilishi kutilmoqda.
