O‘zbekiston osmonida 14 dekabrda Geminidalar yog‘adi
O‘zbekiston aholisi 13 dekabchdan , 14 dekab saiga eng yorqin meteor oqimlaridan biri — Geminidalarni kuzatish imkoniga ega bo‘ladi. Bu haqda Zamin.uz xabar berdi.
Bu haqda NASAning "What’s Up: December 2025 Skywatching Tips" sharhida ma’lum qilindi. NASA ma’lumotlariga ko‘ra, meteor oqimining eng yuqori cho‘qqisi 14 dekabr kuni Toshkent vaqti bilan ertalab soat 08:00-09:00 oralig‘ida kuzatilishi kutilmoqda.
Biroq, bu vaqt tong otganiga to‘g‘ri kelgani sababli, oqimning maksimal darajasini to‘liq ko‘rish qiyin bo‘lishi mumkin. Shunga qaramay, astronomlar oqimning faol bosqichi cho‘qqidan bir necha soat oldin va keyin ham davom etishini ta’kidlashmoqda.
Bu esa 14 dekabr kuni yarim tundan tonggacha meteorlarni kuzatish imkoniyatini beradi. Geminidalarning o‘ziga xosligi ularning yorqin va sekin harakatlanuvchi meteoritlaridan iborat bo‘lib, ular hattoki shahar yorug‘ligida ham yaxshi ko‘rinadi.
Agar osmon ochiq va qorong‘i bo‘lsa, faoliyatning maksimal cho‘qqisida soatiga 120 tagacha meteorit kuzatilishi mumkin. Geminidalar har yili dekabr oyida kuzatiladigan meteor oqimi bo‘lib, ular Fayeton nomli asteroid qoldirgan zarrachalardan hosil bo‘ladi.
Aksariyat meteor oqimlari kometalar bilan bog‘liq bo‘lsa-da, Geminidalar asteroid kelib chiqishiga ega. Bu ularning yuqori zichligi va yorqinligini izohlaydi.
Astronomiyaga qiziquvchilar uchun bu noyob hodisani kuzatish ajoyib imkoniyatdir.
