AQShda otishma: o‘zbekistonlik talaba halok bo‘ldi
AQShning Rod-Aylend shtatida joylashgan nufuzli Braun universiteti hududida yuz bergan otishma fojiali oqibatlarga olib keldi. Bu haqda Zamin.uz xabar berdi.
Ushbu hodisa natijasida O‘zbekiston fuqarosi, universitetning birinchi bosqich talabasi Muhammadaziz Umurzoqov halok bo‘ldi. Amerika ommaviy axborot vositalarining, jumladan, CNNning xabariga ko‘ra, otishmani 24 yoshli Benjamin Erikson sodir etgan.
U ilgari AQSh armiyasida xizmat qilgan sobiq harbiy hisoblanadi. Huquq-tartibot idoralari tomonidan gumonlanuvchi tezkorlik bilan hibsga olingan.
Hozirda hujumning aniq sabablari rasman ma’lum qilinmagan, tergov ishlari davom etmoqda. Fojea oqibatida ikki kishi hayotdan ko‘z yumgan, to‘qqiz nafar talaba esa turli darajadagi jarohatlar olib, shifoxonalarga yotqizilgan.
Universitet ma'muriyati voqeadan so‘ng xavfsizlik choralarini kuchaytirganini ma’lum qildi. O‘zbekiston Respublikasi Tashqi ishlar vazirligi Muhammadaziz Umurzoqovning oila a’zolari va yaqinlariga chuqur ta’ziya bildirdi.
Rasmiy bayonotda marhumning oila a’zolariga sabr-toqat tilanib, ushbu yo‘qotish butun O‘zbekiston xalqi uchun dard ekani alohida ta’kidlandi. Bunday fojealar yana bir bor tinchlik va inson hayotining qadr-qimmatini anglash muhimligini eslatadi.
Muhammadaziz Umurzoqovning bevaqt hayotdan ko‘z yumishi barcha yurtdoshlar qalbida chuqur iz qoldirdi.
