Folbinga ishonib, 43 ming dollar yo‘qotdi
Qirg‘izistonda sodda va ishonuvchanlik qimmatga tushdi. Bu haqda Zamin.uz xabar berdi.
Bishkek shahrida yashovchi bir ayol o‘z biznesini rivojlantirish maqsadida folbinning so‘zlariga ishonib, 43 ming AQSH dollarini yo‘qotdi. Bu haqda Caravan info xabar berdi.
Ma’lumotlarga ko‘ra, O.G. ismli fuqaro may oyidan oktabr oyining oxirigacha o‘zini folbin deb tanishtirgan ayol qurboni bo‘lgan.
Folbin unga “biznesingizga omad keltiraman” deya turli marosimlar o‘tkazishni taklif qilgan. U pullarni qabristonga ko‘mishni, ip, igna va boshqa “sehrli buyumlar”dan foydalanishni talab qilgan.
Natijada, ishonchni suiiste’mol qilgan folbin katta miqdordagi mablag‘ni qo‘lga kiritgan va yashiringan. Bishkek shahri Birinchi may tumani ichki ishlar bo‘limi xodimlari 2000 yilda tug‘ilgan M.K.
ismli ayolni qo‘lga olishga muvaffaq bo‘lishdi. Hozirda u vaqtinchalik saqlash izolyatoriga joylashtirilgan.
Mazkur holat yuzasidan Qirg‘iziston Jinoyat kodeksining 209-moddasi — firibgarlik bo‘yicha jinoyat ishi qo‘zg‘atilgan. Hozirda tergov ishlari davom etmoqda.
Xulosa shuki, “sehr”ga ishonish — katta xatolarga olib keladi. Omadga emas, aql va hushyorlikka tayanish lozim.
