Rossiya Ukraina atrofidagi vaziyatni tinch yo‘l bilan hal qilish bo‘yicha olib borilayotgan muzokaralarda sekin, ammo barqaror oldinga siljish kuzatilayotganini ma’lum qildi. Bu haqda Zamin.uz xabar berdi.
Bu haqda Rossiya Tashqi ishlar vazirligi vakili Mariya Zaxarova bayonot berdi. Mariya Zaxarovaning ta’kidlashicha, muzokaralar asosan AQSh bilan olib borilmoqda.
Jarayon murakkab va qiyin kechayotgan bo‘lsa-da, tomonlar o‘zaro muloqotni davom ettirishmoqda. Rossiya tomoni bu jarayon orqali kelishuvga erishish imkoniyati mavjudligini ta’kidlamoqda.
Shu bilan birga, Zaxarova ayrim G‘arbiy Yevropa davlatlari muzokaralar jarayoniga to‘sqinlik qilayotganini qayd etdi. U bu kabi harakatlar tinchlikka erishish uchun olib borilayotgan sa’y-harakatlarga zarar yetkazayotganini alohida ta’kidladi.
Rossiya rasmiylari mojaroni kuch ishlatmasdan, siyosiy va diplomatik vositalar yordamida hal qilish tarafdori ekanini bildirishdi. Ular tinchlik muzokaralari davom etishiga umid qilishmoqda.
