Grozniyda kortej ishtirokida yirik YTH sodir bo‘ldi
Kecha ijtimoiy tarmoqlarda Grozniy shahrida yirik yo‘l-transport hodisasi sodir bo‘lgani haqida xabarlar tarqaldi. Bu haqda Zamin.uz xabar berdi.
Ushbu hodisada yuqori martabali shaxslar, jumladan, Adam Qodirov korteji ishtirok etgani aytilmoqda. Tarqalgan ma’lumotlarga ko‘ra, kortej katta tezlikda harakatlanib, to‘siqqa duch kelgan va bir nechta avtomobil to‘qnashgan.
Voqea joyida ayrim ko‘chalar vaqtincha yopilgan, jabrlangan shaxslar esa shifoxonaga olib ketilgan. Biroq hozircha jarohat olganlar soni va ularning holati haqida rasmiy ma’lumot berilmagan.
Shuningdek, ushbu voqea fonida yana bir mish-mish paydo bo‘ldi: avtohalokat paytida UFC sportchisi Hamzat Chimayev ham kortejda bo‘lgan degan xabarlar tarqaldi. Ammo bu ma’lumotni "Chechnya Segodnya" axborot agentligi raddiya qildi.
Ularning ma’lumotiga ko‘ra, Chimayev hozirda Dubayda bo‘lib, o‘zini yaxshi his qilmoqda. Ma’lumotlarga ko‘ra, 18 yoshli Adam Qodirov Checheniston rahbari Ramzan Qodirovning farzandlaridan biri bo‘lib, u ko‘pincha ommaviy axborot vositalarida tilga olinadi.
Ayrim manbalar uning respublika xavfsizlik tuzilmalarida mas’ul lavozimlarda faoliyat yuritishini ham qayd etadi. Hozircha voqea bo‘yicha rasmiy tasdiqlangan ma’lumotlar kutish maqsadga muvofiqdir.
Jabrlanganlarga tezroq sog‘ayib ketishlarini tilab qolamiz.
