Ramzan Qodirov o‘g‘li bilan yig‘ilish o‘tkazdi
Checheniston rahbari Ramzan Qodirov o‘zining Telegram-kanalida o‘g‘li, respublika Xavfsizlik kengashi kotibi Adam Qodirov ishtirokida o‘tkazilgan yig‘ilishdan videolavha e’lon qildi. Bu haqda Zamin.uz xabar berdi.
Ushbu yig‘ilishda kuch tuzilmalari komandirlari ishtirok etgan. Qodirovning ta’kidlashicha, uchrashuvda respublikada bo‘lib o‘tadigan saylovlarga tayyorgarlik jarayoni, saylov vaqtida xavfsizlikni ta’minlash va ekstremizmga qarshi kurash masalalari muhokama qilingan.
Adam Qodirov yig‘ilish davomida huquq-tartibot organlari va boshqa muassasalar o‘rtasidagi hamkorlikni kuchaytirish zarurligini alohida ta’kidlagan. Shuningdek, saylovlar vaqtida xavfsizlikni ta’minlash ustuvor vazifa sifatida belgilangan.
Bundan tashqari, Ramzan Qodirovning ma’lum qilishicha, Adam Qodirov Zaporijjya atom elektr stansiyasini qo‘riqlash va xavfsizligini ta’minlash borasidagi xizmatlari uchun maxsus medal bilan taqdirlangan. Eslatib o‘tamiz, ilgariroq ijtimoiy tarmoqlarda Adam Qodirov Grozniy shahridagi yo‘l-transport hodisasidan so‘ng og‘ir ahvolda shifoxonaga yotqizilgani va uni Moskvaga olib ketish rejalashtirilayotgani haqida xabarlar tarqalgan edi.
