Olindada akula hujumi: 13 yoshli o‘smir halok bo‘ldi
Braziliyaning Olinda shahri yaqinidagi sohil hududida 13 yoshli o‘smir akula hujumi oqibatida vafot etdi. Bu haqda Zamin.uz xabar berdi.
Bu haqda Agência Brasil axborot agentligi xabar berdi. Ma’lum qilinishicha, o‘smir dengizda do‘stlari bilan cho‘milayotgan vaqtda akulaning hujumiga uchragan.
Yirtqich hayvon bolaning o‘ng sonining orqa qismini tishlab olgan. Og‘ir jarohatlar va ko‘p qon yo‘qotish oqibatida o‘smirni shifoxonaga olib borishgan, ammo u hayot alomatlari ko‘rsatilmasdan vafot etgan.
Ma’lumotlarga ko‘ra, Olinda sohillari akula hujumlari tez-tez sodir bo‘ladigan xavfli hududlardan biri hisoblanadi. Ushbu fojea Pernambuku shtatida akula hujumlaridan halok bo‘lganlar sonini 27 kishiga yetkazgan.
Shuni ham qo‘shimcha qilish kerakki, avvalroq Avstraliyaning Sidney shahri yaqinidagi plyajlar ham akula hujumlari xavfi yuqori bo‘lgani sababli vaqtincha yopilgan edi. Bu kabi holatlar dengiz bo‘ylarida xavfsizlik choralarini kuchaytirish zaruratini yana bir bor ko‘rsatmoqda.
