Eron AQSh esminetsiga raketa zarbasi berdi

Tasnim axborot agentligining xabariga ko‘ra, Eronning Islom inqilobi qo‘riqchilari korpusi AQSh harbiy-dengiz flotiga tegishli esminetsga Qadr-380 va Talayeh turidagi raketalar bilan zarba bergan. Bu haqda Zamin.uz xabar berdi.

Ma’lum bo‘lishicha, AQSh esminetsi o‘sha paytda Eron sohillaridan taxminan 650 kilometr uzoqlikda, dengizda yoqilg‘i quyish bilan band bo‘lgan. Eron tomoni esminetsga raketa zarbasi berilganini va kemada yong‘in chiqqanini ta’kidlamoqda.

Ushbu da’vo NASA tomonidan taqdim etilgan yong‘inlarni kuzatishga oid issiqlik xaritasi ma’lumotlari bilan ham mos kelgan. Xabarda yana bir muhim jihatga e’tibor qaratilgan: AQSh esminetsi Hindiston hududiy suvlariga juda yaqin bo‘lgan.

Eron manbalari bu holatni shunday talqin qilishmoqda: Hindiston o‘z portlaridan AQShning Eronga qarshi ehtimoliy harbiy harakatlarida foydalanishga ruxsat bermoqda. Ayni paytda bu ma’lumotlar rasmiy xalqaro manbalar tomonidan to‘liq tasdiqlangani haqida ochiq axborot yo‘q.

Hodisa atrofidagi vaziyat hozircha keskin bahs-munozaralarga sabab bo‘lmoqda.