Rossiya Eron aholisiga katta hajmdagi dori-darmon yubormoqda
Eron Rossiya va boshqa do‘st davlatlardan insonparvarlik yordami so‘rab murojaat qilgan va yordam yetkazish ishlari allaqachon boshlandi. Bu haqda Zamin.uz xabar berdi.
Bu haqda Rossiya Tashqi ishlar vazirligi matbuot kotibi Mariya Zaxarova ma’lum qildi. Rossiya Tashqi ishlar vazirligining rasmiy vakili brifingda shunday dedi: mamlakatda ko‘plab shifoxonalar va tez yordam punktlari vayron bo‘lgan.
Shuningdek, yaralanganlar soni, ayniqsa ayollar va bolalar orasida ko‘p ekanligi sababli Eron tomoni do‘st davlatlardan dori-darmon yuborishni so‘ragan. Uning so‘zlariga ko‘ra, Rossiya Prezidenti Vladimir Putin topshirig‘iga binoan Rossiyadan Eron aholisi uchun zarur insonparvarlik yordami tashkil qilinmoqda.
12 mart kuni Rossiya Favqulodda vaziyatlar vazirligi Eron aholisi uchun 13 tonnadan ortiq dori-darmon yuborilishini ma’lum qildi. Yuk Il-76 harbiy-transport samolyoti orqali Ozarbayjonga olib ketiladi va u yerdan Eron vakillariga topshiriladi.
Shuningdek, ma’lum qilinishicha, AQSh va Isroil 28 fevral kuni Eronga qarshi harbiy harakatlarni boshlagan. Bunga javoban Eron Yaqin Sharqdagi AQSh harbiy bazalari va neft tankerlariga zarbalar bergan.
Eron Sog‘liqni saqlash vazirligi ma’lumotiga ko‘ra, 8 mart holatiga mamlakatda harbiy harakatlar boshlanganidan beri 1200 dan ortiq tinch aholi halok bo‘lgan. Bu holat insoniy fojia ekanligi ta’kidlanmoqda va yordam ko‘rsatish ishlari davom etmoqda.
