Taylandlik Opal Suchata “Dunyo go‘zali” bo‘ldi
2025 yilgi “Dunyo go‘zali” xalqaro tanlovi natijalari Hindistonning Haydarabod shahrida e’lon qilindi. Bu haqida Zamin.uz xabar berdi.
Ushbu nufuzli musobaqada 108 nafar ishtirokchi qatnashdi. G‘oliblikni Tayland vakili Opal Suchata Chuangsri qo‘lga kiritdi.
Finalda Efiopiyalik Hasset Derej Admasu birinchi vitse-miss unvoniga sazovor bo‘ldi. Tanlov 72-marotaba tashkil etildi va uni 2016 yilgi g‘olib Stefani del Valle hamda hindistonlik mashhur boshlovchi Sachin Kumbar olib bordi.
Hindiston ketma-ket ikkinchi yil ushbu xalqaro musobaqaga mezbonlik qildi. Hindiston sharafini himoya qilgan Nandini Gupta final bosqichiga chiqib, so‘nggi 20likka kirdi.
“Hindiston “Dunyo go‘zali” tanlovida tarixan muvaffaqiyatli qatnashgan mamlakat hisoblanadi. Mamlakatdan olti nafar ishtirokchi ushbu unvonga ega bo‘lgan.
Ular orasida Reyta Fariya (1966), Ayshvariya Ray (1994), Diana Hayden (1997), Yukta Muqxiy (1999), Priyanka Chopra (2000) hamda Manushi Chxillar (2017) bor. “Dunyo go‘zali” tanlovi faqat tashqi go‘zallikni emas, balki aql-zakovat, ijtimoiy faollik va insonparvarlikka bo‘lgan sadoqatni ham baholaydi.
G‘oliblar butun dunyo bo‘ylab turli xayriya tadbirlarida faol ishtirok etadi, jamoatchilik bilan muloqotda bo‘ladi hamda muhim ijtimoiy loyihalarni ilgari suradi.
