Qashqadaryo viloyati ichki ishlar boshqarmasi matbuot xizmati tomonidan ma’lum qilinishicha, firibgar ushlangan. Bu haqida Upl.uz xabar berdi.
Ichki ishlar organlari xodimlari tomonidan maxsus tezkor tadbir o‘tkazildi. Tadbir davomida Qashqadaryo viloyati Shahrisabz shahrining Zingiron mahallasida yashovchi shaxs 1600 AQSh dollari miqdorida pul olgan paytda qo‘lga olindi.
Ushbu pul evaziga firibgar navbatdagi mijozga Umra safarini tashkil qilishni va’da qilgan. Biroq, u sayyohlik firmasi xodimi emas va bunday safarlarni tashkil etishga ruxsatga ega emas.
Ichki ishlar xodimlari firibgarning jinoyatini dalillash maqsadida “nazorat xaridi” o‘tkazishdi. Mazkur holat bo‘yicha O‘zbekiston Respublikasi Jinoyat kodeksining “Firibgarlik” moddasi bo‘yicha jinoiy ish qo‘zg‘atildi.
Hozirda tergov harakatlari olib borilmoqda.
