Toshkent shahar Ichki ishlar bosh boshqarmasining yo‘l harakati xavfsizligi xizmati tomonidan yo‘l-transport hodisasi haqida ma’lumot berildi. Bu haqida Upl.uz xabar berdi.
2024 yil 20 iyul kuni soat taxminan 13:10 da Mirzo Ulug‘bek tumani, Oltintepa va Chahbud ko‘chalari chorrahasi yaqinida yo‘l-transport hodisasi sodir bo‘ldi. Tracker rusumli avtomobil haydovchisi yuqori tezlikda harakatlanib, Rublyovka do‘koni yonidagi Sayohat ko‘chasiga burilayotgan Lacetti rusumli avtomobilga urildi.
To‘qnashuv natijasida Tracker haydovchisi boshqaruvni yo‘qotib, yo‘l chetida turgan piyodani urib, to‘xtash joyiga qattiq urildi. Juda afsuski, ushbu yo‘l-transport hodisasi oqibatida piyoda olgan jarohatlari tufayli voqea joyida vafot etdi.
Mazkur holat bo‘yicha O‘zbekiston Respublikasi Jinoyat kodeksining yo‘l harakati xavfsizligi qoidalarini buzish bo‘yicha 2-qismi asosida jinoyat ishi qo‘zg‘atildi. Jinoyatga aloqador shaxsga yetti yilgacha ozodlikdan mahrum qilish jazosi qo‘llanilishi mumkin.
Guvohlarning so‘zlariga ko‘ra, avtomobil haydovchisi voyaga yetmagan shaxs bo‘lgan, biroq rasmiy idora bu ma’lumotni tasdiqlamadi hamda rad etmadi. Hodisaning barcha tafsilotlari hozirda o‘rganilmoqda.
Ommaviy axborot vositalari va jamoatchilikka to‘g‘ri ma’lumotlar berilishi davom etadi.
