Toshkent shahrining Yashnobod tumanida Sodiq Azimov ko‘chasining Mahtumquli ko‘chasidan Istiqbol ko‘chasigacha bo‘lgan 570 metr uzunlikdagi qismi vaqtinchalik yopiladi. Bu haqida Upl.uz xabar berdi.
Bu qaror ta’mirlash va qurilish ishlari davom etayotgani sababli qabul qilindi. Yashnobod tuman hokimiyati matbuot xizmati tomonidan ma’lum qilindi.
Yopilish 2025 yil 24 iyul soat 08:00 dan 25 iyul soat 08:00 gacha davom etadi. Shu davrda ushbu hududda ta’mirlash ishlari olib boriladi.
Haydovchilarga oldindan yo‘l haritasini rejalashtirish va muqobil yo‘ldan foydalanish tavsiya etiladi. Buning uchun Istiqbol ko‘chasidan harakatlanib, keyin Lotus binosi va markaziy dorixonaning ortidan 4-sonli Sodiq Azimov ko‘chasi o‘tish yo‘li orqali, so‘ngra 5-sonli o‘tish yo‘li bo‘yicha kerakli yo‘nalishga o‘tish mumkin.
Muqobil yo‘l xaritada yashil rang bilan ko‘rsatilgan. Ushbu chora-tadbirlar yo‘l harakati xavfsizligini ta’minlash va qurilish ishlarini sifatli bajarish maqsadida amalga oshirilmoqda.
Haydovchilardan ushbu vaqt davomida sabr-toqatli bo‘lishlari va ko‘rsatilgan yo‘l ko‘rsatmalariga amal qilishlari so‘raladi.
