Birlashgan Arab Amirliklari O‘zbekiston fuqarolari orasida tobora ommalashib bormoqda. Bu haqida Upl.uz xabar berdi.
O‘zbekiston Respublikasi Davlat statistika qo‘mitasining ma’lumotlariga ko‘ra, 2025 yil yanvar oyidan may oyigacha bo‘lgan davrda 71,4 ming nafar o‘zbekistonlik sayyohlik maqsadlarida BAAga safar qilgan. O‘tgan yilning shu davriga nisbatan O‘zbekiston fuqarolari tomonidan BAAga amalga oshirilgan safarlar soni 15,7 mingga yoki 28,2 foizga oshgan.
2025 yilning birinchi besh oyidagi vizit maqsadlari bo‘yicha taqsimot quyidagicha: sayohat qilganlar soni 63 042 nafar, qarindosh-urug‘larni ziyorat qilganlar 7 397 nafar, xizmat safarida bo‘lganlar 571 nafar, davolanish maqsadida kelganlar 225 nafar va ta’lim olish uchun kelganlar 117 nafarni tashkil etadi. Bu ko‘rsatkichlar BAAning O‘zbekiston fuqarolari uchun jozibadorligini oshib borayotganini va turizm, oilaviy tashriflar, shuningdek, xizmat va ta’lim sohalarida ham aloqalar kengayib borayotganini tasdiqlaydi.
O‘zbekistonlik sayyohlar va boshqa maqsadlarda safar qiluvchilar sonining ortishi ikki tomonlama aloqalarning rivojlanishiga ijobiy ta’sir ko‘rsatmoqda.
