Qashqadaryo viloyati Ichki ishlar boshqarmasi matbuot xizmati xabariga ko‘ra, noqonuniy giyohvand moddalar aylanmasiga aloqador shaxs ushlandi. Bu haqida Upl.uz xabar berdi.
Ichki ishlar organlari tomonidan Qarshi tumani hududida maxsus operativ tadbir o‘tkazildi. Tadbir davomida ilgari ham giyohvand moddalar savdosida ayblangan fuqaroning uyi ko‘zdan kechirildi.
Uyda o‘tkazilgan tekshiruvda ushbu shaxs giyohvandlikka sabab bo‘luvchi o‘simliklarni yetishtirayotganligi aniqlandi. Uning hovlisidan jami 153 dona kannabis o‘simligi topildi.
Shuningdek, uning uyida 12 gramm marixuana, 6 gramm gashish hamda 8 gramm opiy aniqlanib, ashyoviy dalil sifatida musodara qilindi. Mazkur holat bo‘yicha O‘zbekiston Respublikasi Jinoyat kodeksining “Ta’qiqlangan o‘simliklarni yetishtirish” hamda “Giyohvand moddalarni noqonuniy ishlab chiqarish, sotib olish, saqlash va boshqa harakatlar” moddalari bo‘yicha jinoyat ishi qo‘zg‘atildi.
Hozirda tergov harakatlari davom etmoqda.
👍 0❤️ 0😂 0😢 0😡 0
