Toshkent viloyati IIB matbuot xizmati xabariga ko‘ra, inson savdosi bilan bog‘liq jinoyat ishtirokchisi bo‘lgan fuqaro ushlangan. Bu haqida Upl.uz xabar berdi.
Ichki ishlar organlari xodimlari va Milliy xavfsizlik xizmati hamkorligida maxsus tezkor tadbir o‘tkazildi. Tadbir davomida Toshkent shahridagi Islom Karimov nomidagi xalqaro aeroport hududida Yangiyul tumanidan bo‘lgan 26 va 33 yoshdagi ikki ayol to‘xtatildi.
Ma’lum bo‘lishicha, ushbu ayollar Qibray tumanida yashovchi 1991 yilda tug‘ilgan ayolning so‘zlariga ishonib, Turkiyada ishga joylashish va yaxshi maosh olishni va’da qilgan. Aslida, ular Turkiyaga yetib borgach, jinsiy xizmat ko‘rsatishga majbur qilinishlari rejalashtirilgan edi.
Shuningdek, Istanbul aeroportida ularni jinoyatchi sheriklari kutib olishi kerak edi, ular ham O‘zbekiston fuqarolari hisoblanadi. Ushbu holat bo‘yicha O‘zbekiston Respublikasi Jinoyat kodeksining «Inson savdosi» moddasi bo‘yicha jinoyat ishi ochilgan.
Hozirda tergov jarayonida jinoyatchi sheriklarning shaxslari aniqlanmoqda.
