O‘zbekiston Respublikasi Ichki ishlar vaziri, general-mayor Aziz Tashpulatovning shaxsiy qabuli chuqur tunda ham davom etmoqda. Bu haqida Upl.uz xabar berdi.
Soat 1:40 bo‘lishiga qaramay, fuqarolar bilan muloqot hali yakunlanmagan edi. Ichki ishlar vaziri o‘zining fidoyiligi bilan har bir tashrifchini diqqat bilan tinglamoqda.
U charchoq belgilarisiz, barcha murojaatlarni tezkor ko‘rib chiqib, dolzarb muammolarni zudlik bilan hal etishga intilmoqda. Vazirning bu faoliyati aholining ishonchini oshirish va ularning muammolarini o‘z vaqtida hal qilishga qaratilgan.
Shaxsiy qabul jarayonida barcha murojaatlar e’tiborga olinib, samarali yechimlar izlanmoqda. Bu esa Ichki ishlar vazirligining fuqarolarga xizmat ko‘rsatish sifatini yanada yaxshilashga xizmat qiladi.
