Sirdaryo viloyati hududida noqonuniy ravishda elektr energiyasidan foydalanilganligi aniqlanib, bu haqda Uzenergoinspeksiya matbuot xizmati xabar berdi. Bu haqida Upl.uz xabar berdi.
Sirdaryo viloyati Uzenergoinspeksiya boshqarmasi xodimlari, Milliy xavfsizlik xizmati va ichki ishlar organlari bilan hamkorlikda nazorat tadbirlari o‘tkazildi. Tadbirlar davomida Sirdaryo tumanida joylashgan "U.
F. F." fermer xo‘jaligi rahbari elektr ta’minotiga noqonuniy ravishda elektr suv nasosini ulaganligi aniqlangan.
Aniqlangan qonunbuzarlik natijasida energiya ta’minoti tashkilotiga jami 1 milliard 585 million so‘m zarar yetkazilganligi ma’lum bo‘ldi. Ushbu holat bo‘yicha tegishli hujjatlar rasmiylashtirildi va huquqni muhofaza qiluvchi organlarga topshirildi.
Noqonuniy harakatlarni amalga oshirgan shaxsga O‘zbekiston Respublikasi Jinoyat kodeksining 169-moddasi 4-qismi “O‘g‘rilik” bandi bo‘yicha jinoiy javobgarlik qo‘yilishi mumkin. Bu esa 15 yilgacha ozodlikdan mahrum etish jazosi bilan yakunlanishi mumkin.
Hozirda dastlabki tergov harakatlari olib borilmoqda.
