Andijon viloyati IIB matbuot xizmati tomonidan ma’lum qilinishicha, fuqaroning kaltaklanishi yuzasidan jinoyat ishi qo‘zg‘atilgan. Bu haqida Upl.uz xabar berdi.
Joriy yilning 28 iyul kuni soat 20:30 larda Andijon shahridagi "Sadokat" mahallasida yashovchi fuqaro ishlaydigan "Paris Parfum" do‘koniga to‘rt nafar shaxs kelgan. Ularning biri bilan do‘kon xodimi o‘rtasida mojaro yuzaga kelib, bu janjal janjallashuvga aylanib ketgan.
Natijada do‘kon xodimi tan jarohati olgan. Mazkur holat bo‘yicha O‘zbekiston Respublikasi Jinoyat kodeksining 104-moddasi 2-qismi — “O‘rtacha og‘irlikdagi tan jarohatini yetkazish” bandi bo‘yicha jinoyat ishi ochilgan.
Jabrlanuvchiga sud-tibbiy ekspertiza tayinlangan. Hozirda tergov harakatlari davom etmoqda.
Jinoyatchiga 3 yildan 5 yilgacha ozodlikdan mahrum qilish jazosi qo‘llanilishi mumkin.
