O‘zbekiston hukumati mehnat munosabatlari sohasida bir qator o‘zgartirishlarni joriy etishga tayyorgarlik ko‘rmoqda. Bu haqida Upl.uz xabar berdi.
Asosiy takliflar qatorida quyidagilar mavjud: elektron raqamli imzo va yuzni aniqlash tizimlari orqali tasdiqlangan hujjatlar shaxsiy imzo qo‘yilgan qog‘oz hujjatlar bilan tenglashtiriladi; elektron mehnat daftarchasi mavjud bo‘lganda qog‘oz mehnat daftarchalaridan voz kechiladi; xodimlarni ishga qabul qilish va lavozimni o‘zgartirish tartibi soddalashtiriladi; mehnat organlari tomonidan yuborilgan nomzodlarni ishga qabul qilishdan bosh tortish bo‘yicha hisobot berish va javobgarlik bekor qilinadi. 2026 yildan boshlab qurilish sohasida norasmiy bandlikka yo‘l qo‘yganlik uchun “Shaffof qurilish” reytingini pasaytirish tizimi joriy etiladi.
Bunday qonunbuzarliklar uchun 30 dan 100 gacha bazaviy hisoblash miqdorida jarimalar qo‘llanadi. Ushbu o‘zgarishlar mehnat bozorining samaradorligini oshirish va qonuniy mehnatni rag‘batlantirishga xizmat qiladi.
