Ichki ishlar organlari xodimlari tomonidan Toshkent shahrining Yakkasaroy tumanida 1997 yilda tug‘ilgan Buxoro viloyati fuqarosi ushlanganligi haqida Davlat xavfsizlik xizmati matbuot xizmati ma’lum qildi. Bu haqida Upl.uz xabar berdi.
Ushbu shaxs 3000 AQSh dollari miqdoridagi avansni olgan vaqtida qo‘lga olingan. Surishtiruv davomida aniqlanishicha, u o‘zini yirik sayyohlik kompaniyasi xodimi sifatida tanishtirib, Toshkent shahri, Toshkent viloyati va Qashqadaryo viloyatidan bo‘lgan uch nafar fuqaroning ishonchini qozongan.
U ularga Xorvatiyada ishlash uchun zarur bo‘lgan barcha hujjatlarni rasmiylashtirishni va’da qilgan hamda bunday xizmatlari uchun jami 6000 dollar talab qilgan. Shu tarzda Namangan viloyatining Yangi-Namangan tumanida 1999 yilda tug‘ilgan Namangan shahri fuqarosi 3900 dollar avans olgan vaqtida ushlangan.
Tekshiruv natijasida u uch nafar fuqarga Xorvatiyada ishga joylashishda yordam berish va barcha zarur hujjatlarni tayyorlash uchun jami 7800 dollar pul olganligi ma’lum bo‘ldi. Ikkala holatda ham O‘zbekiston Respublikasi Jinoyat kodeksining “Firibgarlik” moddasi 2-qismi bo‘yicha jinoiy ish qo‘zg‘atilgan bo‘lib, bu jinoyat uchun besh yilgacha ozodlikdan mahrum qilish jazosi belgilangan.
Surishtiruv ishlari davom etmoqda.
