Navbahor viloyati ichki ishlar boshqarmasi matbuot xizmatining xabar berishicha, jinoyatchilik guruhining a’zolari qo‘lga olindi. Bu haqida Upl.uz xabar berdi.
Ichki ishlar organlari xodimlari yirik qoramol o‘g‘irlanishi haqidagi murojaatlar asosida tezkor-qidiruv tadbirlarini amalga oshirdi. Nurata, Navbahor va Xatirchi tumanlaridan jami 15 ta uy hayvonlari o‘g‘irlanganligi bo‘yicha arizalar kelib tushdi.
Umumiy zarar taxminan 100 million so‘mni tashkil etadi. O‘tkazilgan surishtiruv natijasida aniqlanishicha, Navbahor tumanida yashovchi 30 yoshli shaxs jinoyatchilik guruhini tashkil qilgan.
Guruh tarkibida 1981, 1995 va 2003 yillarda tug‘ilgan uch nafar erkak ham bor edi. Jinoyatchilar 2024 yil aprel oyining oxiridan boshlab faoliyat yurita boshlagan.
Ular birinchi bo‘lib Navbahor tumanidagi “Mirzo Ulug‘bek” mahallasidan bir bosh sigirni 8 million so‘mga o‘g‘irlagan. Kichik tanaffuslar bilan jinoyatlarini davom ettirgan.
Ammo 2025 yil iyun oyida Nurata tumanidan yana bir sigirni o‘g‘irlab, uni “Matiz” avtomobiliga yuklayotgan vaqtlarida yo‘l-patrul xizmati xodimi tomonidan to‘xtatilib, jinoyatchilik guruhi fosh etildi. Mazkur holat bo‘yicha O‘zbekiston Respublikasi Jinoyat kodeksining “O‘g‘rilik” moddasi bo‘yicha jinoiy ish qo‘zg‘atildi.
Hozirda tergov harakatlari olib borilmoqda.
