Davlat xavfsizlik xizmati xodimlari tomonidan pora evaziga ishga joylashtirishni va’da qilgan shaxs qo‘lga olindi. Bu haqida Upl.uz xabar berdi.
Ushbu holat bo‘yicha SGB xodimlari hamda Bosh prokuratura departamenti xodimlari hamkorlikda maxsus tezkor tadbir o‘tkazdi. Tadbir davomida Shahrisabz tuman Favqulodda vaziyatlar bo‘limining ma’muriy binosida yuqori martabali xodim pora sifatida oldindan maxsus kimyoviy modda bilan belgilangan 3500 AQSh dollari miqdorida avans pul olganida ushlangan.
Surishtiruv natijasida aniqlanishicha, ushbu shaxs jami 6000 AQSh dollari evaziga Shahrisabz va Chirakchi tumanlaridagi yong‘in-qutqaruv bo‘limlariga haydovchi lavozimlariga ishga joylashtirishda yordam berishni va’da qilgan. Mazkur holat bo‘yicha O‘zbekiston Respublikasi Jinoyat kodeksining “Firibgarlik” hamda “Pora berish” moddalariga asosan jinoiy ish qo‘zg‘atildi.
Gumonlangan shaxs hibsga olindi.
