Toshkent shahrida to‘rt nafar yosh yigit spirtli ichimliklar do‘konida janjal ko‘tardi. Bu haqida Upl.uz xabar berdi.
Bu haqda poytaxt IIBB xabar berdi. 14 avgust kuni ijtimoiy tarmoqlarda maxsus texnika va ko‘plab odamlar ko‘rinarli videolar tarqaldi.
Videoni joylashtirganlar poytaxtda ommaviy janjal yuz berganini iddao qilishdi. Ammo IIBB ushbu ma’lumotlarni rad etdi.
Ma’lum bo‘lishicha, Yangi Choshtepa mahallasida to‘rt nafar yosh do‘kon sotuvchisining spirtli ichimliklarni bepul berishdan bosh tortishi sababli janjal ko‘tardi. Ular do‘konga kirib, to‘lov qilmay spirtli ichimliklarni olib chiqishga harakat qilishgan.
Hozirda ushbu shaxslar ushlangan va ularga Ma’muriy javobgarlik to‘g‘risidagi kodeksning 183-moddasi (kichik bezorilik) hamda 194-moddasi (ichki ishlar xodimining qonuniy talablarini bajarmaslik) bo‘yicha ayblovlar qo‘yilgan. Tergov ishlari davom etmoqda.
