Andijon viloyati Ichki ishlar bosh boshqarmasi Yo‘l harakati xavfsizligi bo‘limining matbuot xizmatida ma’lumot e’lon qilindi. Bu haqida Upl.uz xabar berdi.
2024-yil 22-avgust kuni ijtimoiy tarmoqlarda Andijon tumanidagi “Haqiqat” mahallasida, Kukgumbaz ko‘chasida ko‘prik ostida to‘xtab turgan “Cobalt” rusumli avtomobil haqida xabar tarqaldi. Ushbu vaziyat bo‘yicha qisqa raqam “102” ga hech qanday murojaat kelmaganligi ma’lum qilindi.
Shuningdek, yaqin atrofdagi tibbiyot muassasalariga ham hech kim yordam so‘rab murojaat qilmagan. Hozirda Andijon tumani Ichki ishlar bo‘limi xodimlari voqea tafsilotlarini aniqlash maqsadida tergov harakatlarini olib bormoqda.
Tergov natijalari bo‘yicha qo‘shimcha ma’lumotlar taqdim etiladi.
