Avvalroq, 17 yoshli o‘smirning Seoul Mun hududidan o‘tuvchi Burijar kanalida cho‘kib ketgani haqida xabar berilgan edi. Bu haqida Upl.uz xabar berdi.
Hodisa 2023 yil 22 avgust kuni sodir bo‘lgan. Ma’lum bo‘lishicha, o‘smir suvga tushib ketgan kepkasini olish uchun kanaldagi suvga sakragan, biroq undan chiqib kela olmagan.
Uning do‘sti yordam berishga harakat qilgan, ammo o‘zi qiyinlik bilan qutulgan. O‘zbekiston Respublikasi Bosh prokuraturasi ma’lumotlariga ko‘ra, 24 avgust kuni Burijar kanalidan ikki kun oldin cho‘kib ketgan 17 yoshli o‘smirning jasadi topilgan.
Halok bo‘lgan o‘smir Seoul Mun kompleksidagi bir muassasada ofitsiant sifatida ishlagan. Hozirda ushbu holat bo‘yicha dastlabki tergov harakatlari olib borilmoqda.
Hodisaning sabablarini aniqlash va barcha shart-sharoitlarni o‘rganish uchun zarur chora-tadbirlar ko‘rilmoqda.
