2025 yilning dastlabki yetti oyida O‘zbekistonni 2,9 milliondan ortiq xorijiy ayollar ziyorat qilgan. Bu haqida Upl.uz xabar berdi.
Bu ma’lumotlar O‘zbekiston Respublikasi Davlat statistika qo‘mitasi tomonidan taqdim etilgan. Unga ko‘ra, bu ko‘rsatkich umumiy turistlar sonining 45,5 foizini tashkil etadi.
O‘tgan yilning shu davri bilan solishtirganda, ayollar soni 31,9 foizga oshgan, ya’ni 696,7 ming nafarga ko‘paygan. Davlatlar kesimida ayollar soni quyidagicha taqsimlanadi: Qirg‘izistondan kelganlar soni 959,1 ming kishi bo‘lib, bu 33,3 foizni tashkil etadi.
Qozog‘istondan kelganlar soni 781,7 ming kishi yoki 27,2 foizni tashkil qiladi. Tojikistondan kelganlar 595,5 ming kishi, ya’ni 20,7 foizni tashkil etgan.
Rossiyadan kelgan ayollar soni 246 ming kishi bo‘lib, bu 8,5 foizga teng. Boshqa mamlakatlardan kelganlar esa jami 295,3 ming kishi, ya’ni 10,3 foizni tashkil etadi.
Ushbu ma’lumotlar O‘zbekiston turizm sohasidagi o‘sish va xorijiy sayyohlar orasida ayollar sonining ko‘payishini ko‘rsatadi.
