Surxondaryo viloyati IIB Yo‘l harakati xavfsizligi boshqarmasi matbuot xizmatidan ma’lum qilinishicha, 2025 yil 27 avgust kuni soat 10:05larda Denov tumani “Kaytmas” mahallasida yo‘l-transport hodisasi sodir bo‘lgan. Bu haqida Upl.uz xabar berdi.
Nexia rusumli avtomobilning 2006 yilda tug‘ilgan haydovchisi oldinda harakatlanayotgan transport vositasini ortda qoldirish maqsadida qarama-qarshi harakat yo‘lagiga chiqqan va Lacetti rusumli avtomobil bilan to‘qnashgan. Lacetti haydovchisi 1986 yilda tug‘ilgan shaxs bo‘lib, avariya natijasida ikkala avtomobil haydovchilari hamda yo‘lovchilar jarohat olgan.
Barcha jabrlanganlar shifoxonaga yetkazilgan. Transport vositalariga jiddiy texnik zararlari yetgan.
Mazkur holat yuzasidan tergov-surishtiruv ishlari olib borilmoqda.
