Buxoro viloyati Ichki ishlar boshqarmasi matbuot xizmati xabariga ko‘ra, giyohvand moddalar savdosi bilan shug‘ullangan shaxs qo‘lga olindi. Bu haqida Upl.uz xabar berdi.
Joriy yilning 21 avgust kuni ichki ishlar organlari xodimlari tomonidan maxsus tezkor tadbir o‘tkazildi. Tadbir davomida G‘ijduvon tumanida 1998 yilda tug‘ilgan erkak fuqaro 2,91 gramm marihuana moddasi sotayotgan vaqtida ushlangan.
U ushbu giyohvand moddani 500 ming so‘mga sotmoqchi bo‘lgan. Shuningdek, uning shaxsiy buyumlaridan qo‘shimcha 2,05 gramm marihuana topilib, u ham keyingi xaridorlarga sotilishi rejalashtirilgani aniqlangan.
Mazkur holat yuzasidan O‘zbekiston Respublikasi Jinoyat kodeksining 273-moddasi 2-qismi bo‘yicha jinoyat ishi qo‘zg‘atildi. Ushbu moddaga ko‘ra, giyohvand moddalarni noqonuniy ishlab chiqarish, sotib olish, saqlash va ulardan foydalanish hamda ularni sotish maqsadida boshqa harakatlar uchun 5 dan 7 yilgacha ozodlikdan mahrum etish jazosi belgilangan.
Hozirda tergov harakatlari davom etmoqda.
