Bosh prokuratura huzuridagi Departament matbuot xizmati tomonidan noqonuniy tamaki mahsulotlari aylanmasi to‘xtatilgani haqida ma’lumot berildi. Bu haqida Upl.uz xabar berdi.
Zangiota tumani bo‘yicha Bosh prokuratura Departamenti xodimlari tomonidan maxsus tezkor tadbir o‘tkazildi. Tadbir davomida ikki nafar shaxs 240 quti elektron sigaretani jami 52,8 million so‘mga sotishga uringan vaqtida ushlangan.
Ularning qo‘lidan turli nomdagi elektron tamaki mahsulotlari, umumiy qiymati 84,7 million so‘m bo‘lgan daliliy ashyolar sifatida olib qo‘yildi. Ushbu holat bo‘yicha O‘zbekiston Respublikasi Jinoyat kodeksining “Etanol spirtini, alkogol va tamaki mahsulotlarini noqonuniy aylanmasi yoki ishlab chiqarilishi” moddasi bo‘yicha jinoyat ishi qo‘zg‘atildi.
Hozirda tergov harakatlari olib borilmoqda.
