Ayolni himoya qilgan erkak Chirchiqda halok bo‘ldi

Toshkent viloyatining Chirchiq shahrida bir erkak ayolni himoya qilmoqchi bo‘lganida o‘ldirib ketildi, deb nova24.uz xabar berdi. Hodisa mart oyi boshlarida Navoiy ko‘chasida sodir bo‘lgan. 32 yoshli marhum bir ayolga nisbatan tajovuz holatini ko‘rib, uni himoya qilmoqchi bo‘ladi. Biroq hujumchi unga hujum qilib, qattiq kaltaklaydi.

Jabrlanuvchi hushsiz holda shifoxonaga olib ketilgan. Unda bosh miya shikastlanishi, miya shishishi, ichki a’zolar jarohati va bosh suyaklarining sinishi aniqlangan. U komada bo‘lgan va sun’iy nafas oldirish apparatiga ulangan. 6 mart kuni soat 21:00 da vafot etgan.

7 mart kuni dafn etilgan marhumdan bir farzand qolgan. Uning onasi jinoyatchi jazodan qutulib qolishidan xavotirda. Unga ko‘ra, huquqni muhofaza qiluvchi organlar bu voqeani oddiy ko‘cha janjali sifatida baholamoqda.

Ona jamoatchilikni xabardorlikka chaqirmoqda, jinoyatchi jazodan qutulib ketmasligi uchun bu voqeaga e’tibor қаратилиши зарур.