Toshkent shahar Favqulodda vaziyatlar boshqarmasi matbuot xizmatida ma’lumot berildi. Bu haqida Upl.uz xabar berdi.
Joriy yilning 11 iyul kuni soat taxminan 09:40 da Toshkent shahar Favqulodda vaziyatlar boshqarmasiga Yakkasaroy tumani Baxodir ko‘chasida joylashgan tez ovqatlanish restoranining oshxonasida yong‘in yuzaga kelgani haqida xabar kelib tushdi. Hodisa "Seoul Mun" nomli restoran hududida sodir bo‘lgan.
To‘rt daqiqa o‘tib, yong‘in o‘chirish xizmatining xodimlari voqea joyiga yetib borib, yong‘inni o‘chirish ishlarini boshladi. Yong‘in soat 09:49 da to‘liq bartaraf etildi.
Yong‘in oqibatida hech kim jarohat olmadi. Yong‘inning kelib chiqish sabablari va moddiy zarar miqdori hozirda aniqlanmoqda.
Yong‘in natijasida tez ovqatlanish restoranining oshxonasi va undagi turli oshxona uskunalari zarar ko‘rdi.
