Toshkent shahar Favqulodda Vaziyatlar boshqarmasining matbuot xizmatidan ma’lum qilinishicha, Yunusobod tumanida joylashgan ishlab chiqarish sexida yong‘in sodir bo‘lgan. Bu haqida Upl.uz xabar berdi.
14 iyul kuni soat taxminan 07:40 da Toshkent shahar Favqulodda Vaziyatlar boshqarmasiga Yunusobod tumani, Ahmad Donish ko‘chasidagi ishlab chiqarish sexida yong‘in haqida xabar kelib tushgan. Voqea joyiga yetib borish uchun 5 daqiqa ichida olti ta yong‘in-qutqaruv brigadasi yuborilgan va ular darhol yong‘in bilan kurashishni boshlagan.
Soat 08:14 da yong‘in mahalliylashtirilib, 08:51 da to‘liq o‘chirilgan. Voqea joyiga tuman yong‘in bo‘linmasi rahbariyati va shahar Favqulodda Vaziyatlar boshqarmasi vakillari kelib, tergov-surishtiruv ishlari olib borilmoqda.
Yong‘in natijasida hech kim jabrlanmagan. Hozirda yong‘inning kelib chiqish sabablari va moddiy zarar miqdori aniqlanmoqda.
Hodisa yuzasidan barcha zaruriy chora-tadbirlar ko‘rilmoqda.
