2025 yilning yanvaridan may oyigacha bo‘lgan davrda O‘zbekistonga turist maqsadida kelgan xorijiy fuqarolar soni 4,2 millionni tashkil etdi. Bu haqida Upl.uz xabar berdi.
Bu haqda O‘zbekiston Respublikasi Davlat statistika qo‘mitasi ma’lumotlariga asoslanadi. O‘tgan yilning ayni davriga nisbatan mehmonlar soni 1,4 millionga, ya’ni 48,2 foizga oshdi.
Bu o‘z navbatida O‘zbekistonning sayyohlik salohiyatining oshayotganligini va sohani rivojlantirish bo‘yicha amalga oshirilayotgan chora-tadbirlarning samaradorligini ko‘rsatadi. Eng ko‘p sayyohlar quyidagi davlatlardan kelgan: Qirg‘izistondan 1 280,1 ming, Tojikistondan 993,7 ming, Qozog‘istondan 889,6 ming, Rossiyadan 334,3 ming, Afg‘onistondan 199,2 ming, Turkmanistondan 142,5 ming, Turkiyadan 65,8 ming, Xitoydan 51,9 ming, Hindistondan 28,5 ming, Italiyadan 17,4 ming va boshqa davlatlardan jami 201,1 ming kishi sayohat qilgan.
Bu raqamlar O‘zbekistonning xalqaro miqyosda sayyohlik markazi sifatida obro‘sining oshayotgani va mamlakatga bo‘lgan qiziqishning ortib borayotganidan dalolat beradi.
