Toshkentda transformator podstantsiyasida yong‘in yuz berdi
Toshkent shahar Favqulodda vaziyatlar boshqarmasi matbuot xizmati tomonidan ma'lumot berildi. Bu haqida Upl.uz xabar berdi.
17 iyul kuni soat 01:30 atrofida Toshkent shahar Favqulodda vaziyatlar boshqarmasiga transformator podstantsiyasida yong‘in yuzaga kelgani haqida xabar kelib tushdi. Hodisa poytaxtning Mirzo Ulug‘bek tumani, Avayxon ko‘chasida sodir bo‘ldi.
6 daqiqa ichida Favqulodda vaziyatlar xodimlari voqea joyiga yetib borib, yong‘in bilan kurashishni boshladi. O‘t o‘chirish ishlari samarali olib borilgani sababli yong‘in soat 02:06da to‘liq bartaraf etildi.
Hozirda yong‘inning kelib chiqish sabablari aniqlanmoqda. Jabrlanganlar yo‘q.
