Sifatli bo‘lmagan alkogol mahsulotlarini sotilishining oldi olindi, deb xabar beradi Bosh Prokuratura huzuridagi Departament matbuot xizmati. Bu haqida Upl.uz xabar berdi.
Yangi bozor tuman bo‘limi xodimlari tomonidan maxsus tezkor tadbir o‘tkazildi. Tadbir davomida “S.V.” MChJga tegishli do‘konda salomatlik uchun xavfli bo‘lgan alkogol mahsulotlari sotuvga qo‘yilgani aniqlanib, jami 15 502 dona soxta aksiz markalari bo‘lgan sifatli bo‘lmagan alkogol mahsulotlari musodara qilindi.
Ushbu kontrafakt mahsulotlar dalil sifatida olingan. Mazkur holat bo‘yicha O‘zbekiston Respublikasi Jinoyat kodeksining “Soxta pul, aksiz markalari yoki qimmatli qog‘ozlarni tayyorlash va sotish” hamda “Etanol spirtini, alkogol va tamaki mahsulotlarini noqonuniy aylanmasi yoki ishlab chiqarilishi” moddalariga asosan jinoiy ish qo‘zg‘atildi.
Tegishli organlar tomonidan tergov harakatlari davom ettirilmoqda.
