Italiyalik mashhur dizayner Giorgio Armani vasiyatnomasidagi shartlar ochiqlangani haqida La Repubblica nashri xabar berdi. Bu haqida Zamin.uz xabar berdi.
Armani o‘z merosxo‘rlariga brendni sotish yoki aksiyalarni birinchi jamoat taklifi (IPO) orqali joylashtirishni tavsiya qilgan. U kompaniyadagi ulushini ikki bosqichda sotishni belgilagan.
Birinchi bosqichda, o‘limidan keyin 18 oy ichida Giorgio Armani S.p.A. kompaniyasining 15 foiz aksiyasi sotilishi kerak.
Ikkinchi bosqichda esa keyingi 3–5 yil davomida yana 30 foizdan 54,9 foizgacha aksiyalar bitta investor ixtiyoriga topshiriladi. Dizaynerning so‘zlariga ko‘ra, ustuvor xaridorlar qatorida yirik lyuks kompaniyalari — L’Oreal, LVMH va EssilorLuxottica kabi tashkilotlar bor.
Shuningdek, merosxo‘rlar IPO jarayonini Italiya bozorida ham, boshqa yirik xalqaro bozorlarda ham amalga oshirish huquqiga ega. Ma’lum bo‘lishicha, Armani sherigi Pantaleo Dell’Orkoga ovoz berish huquqiga ega 40 foiz aksiyalar, Fondazione Giorgio Armani jamg‘armasiga 30 foiz aksiyalar, qiz jiyani va o‘g‘il jiyaniga esa jami 15 foiz aksiyalar qoldirilgan.
Qolgan aksiyalar esa ovoz berish huquqisiz boshqa qarindoshlarga meros sifatida berilgan. Eslatib o‘tamiz, Giorgio Armani 2023 yil 4 sentabr kuni vafot etdi.
6 sentabr kuni Milanda uning xotirasiga bag‘ishlangan xayrlashuv marosimi o‘tkazildi.
