Gollivud aktyori Uill Smit Westbrook nomli ko‘ngilochar kompaniyasi orqali Paramount kinostudiyasi bilan ko‘p filmlik shartnoma imzoladi. Bu haqida Zamin.uz xabar berdi.
Bu haqda Variety nashri xabar berdi. Westbrook kompaniyasi asoschilari Uill va Jada Pinkett Smit kompaniyaning asosiy maqsadi keng auditoriyaga mo‘ljallangan xalqaro filmlar yaratish ekanini ta’kidlashdi.
Shu bilan birga, ushbu loyihalar keyinchalik franchayzingga aylanishi mumkinligi aytilmoqda. Hozirda kompaniya ikki film ustida ish olib bormoqda.
Birinchisi “Shakar qaroqchilari” nomli film bo‘lib, u yozuvchi Chak Xoganning “Surgundagi iblislar” asari asosida suratga olinmoqda. Ushbu filmda Uill Smit maxsus bo‘linma sobiq askari, Bostondagi narkotik savdosiga qarshi kurashayotgan elita guruh yetakchisi rolini ijro etadi.
Ikkinchi loyiha “Quyon uyasi” bo‘lib, u Deni Vilnevning “Dun” filmlari ssenariysini yozgan Jon Speyts tomonidan tayyorlanmoqda. Westbrook kompaniyasi ushbu filmlardan boshlanib, kelgusidagi barcha rejalarni Paramountning Gollivud studiyalarida amalga oshirishni rejalashtirmoqda.
Westbrook 2019 yilda tashkil etilgan bo‘lib, uning eng katta yutug‘i “Qirol Richard” filmi hisoblanadi. Ushbu filmda bosh rolni ijro etgan Uill Smit 2022 yilda “Oskar” mukofotiga sazovor bo‘lgan edi.
Paramount bilan yangi hamkorlik aktyorning kino sohasidagi faoliyatini yanada kengaytirishga xizmat qiladi.
