Jennifer Eniston plastik jarrohlikni inkor qildi

Jennifer Eniston plastik jarrohlik haqida ochiq fikr bildirdi. Bu haqida Zamin.uz xabar berdi.

“Do‘stlar” seriali orqali keng tanilgan 56 yoshli aktrisa nafaqat sog‘lom va chiroyli qomatga ega bo‘lib, balki yosh va tetik ko‘rinishi bilan ham muxlislarini hayratda qoldiradi. Glamour jurnaliga bergan intervyusida u plastik jarrohlik haqidagi mish-mishlarga oydinlik kiritdi va go‘zallik sirlari haqida gapirdi.

Gollivuddagi ko‘plab yulduzlar singari Jennifer Eniston ham tashqi ko‘rinishi bilan doimiy ravishda muhokamalarga sabab bo‘ladi. So‘nggi paytlarda internetda uning yuzida plastik jarrohlik amaliyotlari o‘tkazilgani haqida gaplar tarqaldi.

Biroq aktrisa bularning barchasini qat’iy inkor etdi. U yuzida hech qanday jarrohlik o‘zgartirishlar bo‘lmaganini, faqat kosmetologik protseduralardan foydalanganini bildirdi.

Shu bilan birga, Jennifer Eniston tabiiy go‘zallikni saqlashda sog‘lom turmush tarzi va to‘g‘ri parvarish muhimligini ta’kidladi. U o‘zining yosh va chiroyli ko‘rinishini aynan shu omillarga bog‘laydi.

Bu esa ko‘pchilik uchun yaxshi namuna bo‘la oladi.