Remo Jirone 77 yoshida Monakoda vafot etdi
Italiyaning mashhur aktyori Remo Jirone 77 yoshida Monakoda vafot etdi, deb xabar bermoqda ANSA axborot agentligi. Bu haqda Zamin.uz xabar berdi.
U o‘zining uzoq ijodiy faoliyati davomida ellikdan ortiq film va seriallarda rol o‘ynagan. Eng ko‘p tanilgan roli “Sprut” serialidagi Tano Kariddi obrazidir.
Ushbu personaj serialning uchinchi mavsumida paydo bo‘lib, komissar Kattani va sudya Silviya Konti bilan murakkab vaziyatlarda ishtirok etgan. Remo Jirone nafaqat Italiya kino sanoatida, balki Gollivudda ham faoliyat yuritgan.
U mashhur rejissyorlar Jeyms Mengold va Antuan Fukua bilan hamkorlik qilgan. So‘nggi intervyularidan birida u o‘zining ilk roli — “Jinoyat va jazo” asaridagi Raskolnikov obrazini eslab, shu qahramonning ichki his-tuyg‘ularini keyinchalik Tano Kariddi obrazida ham aks ettirganini ta’kidlagan.
Remo Jirone san’at olamida o‘ziga xos o‘rin egallagan, uning ijodi kino ixlosmandlari tomonidan yuksak qadrlanadi. Uning vafoti kino hamjamiyatida chuqur qayg‘u uyg‘otdi.
O‘zbekistonlik tomoshabinlar ham uning ijodini hurmat bilan eslaydilar.
