85 yoshli Smexov yurak muammosi bilan shifokorda
85 yoshli rus aktyori Veniamin Smexovda ortiqcha vazn tufayli yurak bilan bog‘liq muammolar aniqlangan. Bu haqda Zamin.uz xabar berdi.
Bu haqda Mash Telegram-kanali ma’lumot berdi. San’atkor “D’Artanyan va uch mushketyor” filmida Atos rolini ijro etgan.
U yurish paytida nafas qisilishi va yurak aritmiyasidan shikoyat qilib, shifokorga murojaat qilgan. Tekshiruv natijalariga ko‘ra, bir necha yil oldin o‘rnatilgan yurak stendi yaxshi holatda ekanligi aniqlandi.
Biroq mutaxassislar Smexovga shoshilinch vazn kamaytirishni tavsiya qilgan. Shuningdek, suyaklarni mustahkamlash uchun vitaminlar qabul qilish zarurligi aytilgan.
Eslatib o‘tish joizki, 2024-yilda aktyorga yelkasidan jarrohlik amaliyoti o‘tkazilgan. Yelkasi bir necha yil oldin rafiqasi tasodifan yiqilib tushishi oqibatida noto‘g‘ri bitib qolgan edi.
Jarrohlikdan so‘ng u harakatchanligini tiklagan. Veniamin Smexov teatr va kinoda taniqli shaxs hisoblanadi.
U IV darajali “Vatan oldidagi xizmatlari uchun” ordeni bilan taqdirlangan. Hozirda ham sahna ishlari va kitob yozish bilan shug‘ullanmoqda.
