Samarqanddagi tarixiy obidalar ziyoratchilar uchun ochildi
Samarqand shahrida joylashgan Amir Temur maqbarasi, Ulug‘bek madrasasi va Registon maydonidagi Tillakori madrasasi ta’mirlash va ekspozitsiyalarni yangilash ishlari tugallangach, yana ziyoratchilar uchun ochildi. Bu haqda Zamin.uz xabar berdi.
Bu haqda O‘zbekiston Prezidenti Administratsiyasi rahbari Saida Mirziyoyeva ma’lum qildi. Endilikda ushbu maskanlarda yuzlab noyob eksponatlarni, jumladan, Mirzo Ulug‘bekning qo‘lyozmalari va Amir Temur tarixi bilan bog‘liq arxiv hujjatlarini ko‘rish mumkin.
Ko‘rgazmalar zamonaviy multimedia texnologiyalari yordamida namoyish etilmoqda, bu esa tashrif buyuruvchilarga yangi taassurotlar ulashadi. Saida Mirziyoyeva YUNESKO Bosh konferensiyasining 43-sessiyasi mehmonlari yaqin kunlarda qadimiy poytaxtimizning bebaho madaniy merosini o‘z ko‘zlari bilan ko‘rish imkoniyatiga ega bo‘lishlaridan mamnun ekanini ta’kidladi.
Ushbu tarixiy obyektlar nafaqat mahalliy, balki xalqaro miqyosda ham katta e’tiborni tortmoqda.
