Brendan Freyzer va Reychel Vays “Mumiya”ga qaytishi mumkin
Universal Pictures studiyasi Brendan Freyzer va Reychel Vaysni yangi “Mumiya” filmi uchun qaytarish masalasini ko‘rib chiqmoqda, deb xabar berdi Deadline nashri. Bu haqda Zamin.uz xabar berdi.
Hozircha filmning syujeti haqida ma’lumot berilmagan. Loyiha rejissorlari sifatida Mett Bettinelli-Olpin va Tayler Gillet tanlangan, ssenariy ustida esa Devid Koggeshall ishlamoqda.
Brendan Freyzer va Reychel Vays avvalroq franshizaning ikki mashhur filmida birgalikda suratga tushgan: “Mumiya” (1999) va “Mumiyaning qaytishi” (2001). Ushbu filmlarda Freyzer Rik O’Konnel – sarguzashtlarga boy hayot kechiruvchi sobiq askar rolini ijro etgan bo‘lsa, Reychel Vays Evelin Karnaxan – ingliz arxeologi va misrshunosi obrazida namoyon bo‘lgan edi.
“Mumiya” franshizasi davomida bir nechta qo‘shimcha filmlar, jumladan, “Chayon qiroli” va “Mumiya: Ajoyib hukmdor qabri” kabi asarlar suratga olingan. Shuningdek, Universal studiyasi tomonidan ushbu mavzuda bir qator attraksionlar ham yaratilgan.
Filmning yangi qismi muxlislar tomonidan katta qiziqish bilan kutilyapti.
