“Wednesday” serialida Yeva Grin yangi obrazda!
Mashhur va katta muvaffaqiyatga erishgan “Wednesday” serialining yangi mavsumida aktyorlar tarkibi yanada boyitilmoqda. Bu haqda Zamin.uz xabar berdi.
Ommaviy axborot vositalarining xabar berishicha, uchinchi mavsumda Gollivudning mashhur fransuz aktrisasi Yeva Grin serial jamoasiga qo‘shiladi. U Wednesdayning xolasi va Martisha Addamsning singlisi bo‘lgan Ofeliya Framp obrazini ijro etadi.
Ikkinchi mavsum finalida tomoshabinlar Ofeliyani qisqa epizodda ko‘rishgan edi. U Wednesdayga sirli va tushunarsiz xabar qoldirib, serial muxlislarida katta qiziqish uyg‘otgan.
Yangi mavsumda Ofeliya Frampning hikoyasi yanada batafsil ochib beriladi. U Addamslar oilasiga xos bo‘lgan g‘ayritabiiy qobiliyatlarga ega qahramon bo‘lib, uning bolaligi og‘ir o‘tgan.
Onasi uni ruhiy kasalliklar shifoxonasiga joylashtirgan, biroq Ofeliya o‘sha yerdan qochib ketib, ko‘p yillar davomida bedarak hayot kechirgan. Uchinchi mavsumda uning qismati va Wednesdayning qobiliyatlariga ta’siri keng yoritiladi.
Serial ustida ishlayotgan ssenaristlar Alfred Gof va Mayls Miller avvalgidek ijodiy jamoani boshqarishda davom etmoqda. Mashhur rejissyor Tim Byorton esa yana bosh rejissyor va ijrochi prodyuser sifatida loyiha ustida ishlaydi.
U serialning o‘ziga xos vizual uslubini shakllantirishda muhim rol o‘ynagan. Yeva Grin va Tim Byorton ilgari ham “Qorong‘u soyalar” filmida birga ishlagan.
Shuningdek, Yeva Grin “Qo‘rqinchli ertaklar” va “Yomon nazar” kabi mistik loyihalarda ham muvaffaqiyatli ishtirok etgan. Yangi mavsumda uning ishtiroki serialga yanada sirli va jozibali ruh bag‘ishlashi kutilmoqda.
