Bred Pitt ilk daromadini orzulariga sarflagan
Gollivudning mashhur aktyori Bred Pitt o‘zining birinchi daromadini qanday sarflagani haqida qiziqarli ma’lumot bilan o‘rtoqlashdi. Bu haqda Zamin.uz xabar berdi.
Uning so‘zlariga ko‘ra, aktyorlik faoliyatidan olgan ilk maoshini taniqli arxitektor Frenk Lloyd Rayt tomonidan yaratilgan qadimiy stul va lampani sotib olishga ishlatgan. Bred Pittning aytishicha, ikkinchi daromadi ham uzoq vaqt saqlanmagan.
U bu pullarni orzusidagi stereo tizimni xarid qilishga sarflagan. Aktyorning so‘zlariga ko‘ra, o‘sha davrda u moddiy boylikni yig‘ishdan ko‘ra, o‘ziga zavq bag‘ishlaydigan va ilhomlantiradigan narsalarga pul sarflashni afzal ko‘rgan.
Bred Pittning bu qarorlari uning shaxsiy qadriyatlari va hayotiy tamoyillarini aks ettiradi. U moddiy boylikni emas, balki o‘z hayotidan qoniqish olishni birinchi o‘ringa qo‘yganini ta’kidlab o‘tgan.
