Renuarning noma’lum kartinasi 1,8 mln yevroga sotildi
Per Ogyust Renuarning ilgari noma’lum bo‘lgan kartinasi Parijda o‘tkazilgan Drouot auksionida 1,8 million yevroga sotildi. Bu haqda Zamin.uz xabar berdi.
Ushbu kartinada rassomning o‘g‘li Jan va uning enagasi tasvirlangan. Bu haqda The Guardian nashri xabar berdi.
Moybo‘yoqda ishlangan "Bola va uning o‘yinchoqlari – Gabriel va rassomning o‘g‘li Jan" nomli asar ilgari hech qachon ko‘rgazmaga qo‘yilmagan va sotuvga chiqmagan. Ushbu rasm Janning cho‘qintirgan onasi Janna Bodoga tegishli bo‘lgan.
Ma’lumki, Janna Bodo Renuarning do‘sti va shogirdi hisoblangan. San’atshunos Paskal Perrenning ma’lum qilishicha, ushbu polotno hali restavratsiya qilinmagan va yaxshi saqlangan holda saqlangan.
Rassomning o‘g‘li Jan Renuar 1894 yilda tug‘ilgan va keyinchalik mashhur rejissyor bo‘lgan. U 1975 yilda "Alohida yutuqlar" uchun "Oskar" mukofotiga sazovor bo‘lgan.
Jan Renuarning mashhur filmlaridan biri Birinchi jahon urushi davrida nemis asirligidan qochishga uringan ikki fransuz harbiy asiri haqida hikoya qiluvchi "Buyuk illyuziya" asaridir.
