Shahzoda Muhammedova o‘g‘li Dinislomni ikki yoshga to‘ldi deb nishonladi

Aktrisa va dizayner Shahzoda Muhammedova o‘g‘li Dinislomning ikki yoshga to‘lishi munosabati bilan o‘zining Instagram sahifasida video post joyladi. Bu haqda Zamin.uz xabar berdi.

Ushbu post ostida u samimiy tilaklar va duolarni izhor etdi. “Bugun mening o‘g‘lim Dinislom ikki yoshga to‘ldi.

Tug‘ilgan kunini Birlashgan Arab Amirliklarida nishonladik. Ilohim, o‘g‘lim o‘z ismiga munosib bo‘lib, Islom diniga sodiq, iymoni mustahkam, ota-onasiga mehribon va otasi kabi saxovatli inson bo‘lishini so‘rayman.

Duo qiling, o‘g‘lim sog‘lom, ilmli, ziyoli farzand bo‘lib ulg‘aysin. Umri uzun, yo‘li yorug‘ bo‘lsin.

Uni yomon ko‘zlardan Allohning o‘zi asrasin,” deb yozdi Shahzoda. Aktrisa o‘g‘liga bo‘lgan mehrini izhor etar ekan, muxlislaridan ham duo qilishlarini so‘radi.

Uning ushbu posti qisqa vaqt ichida minglab layk va izohlarni yig‘di. Muxlislar ham Dinislomni tug‘ilgan kuni bilan tabriklab, unga ezgu tilaklar bildirishdi.

Shahzodaning ushbu postidagi samimiyat ko‘plab ijobiy fikr va iliq munosabatlarga sabab bo‘ldi.