Shaxriyor va Zilola o‘g‘il farzand kutishmoqda
Aktyor va bloger Shaxriyor Baxtiyorov hamda uning turmush o‘rtog‘i Zilola Baxtiyorova yana ota-ona bo‘lish arafasida pirosi bilan muxlislarini xushnud qilishdi. Bu haqda Zamin.uz xabar berdi.
Ular yangi tug‘ilajak farzandlarining jinsini e’lon qilish uchun maxsus tadbir — gender partiya tashkil etishdi. Bu tadbir iliq va quvonchli muhitda o‘tdi.
Zilola Baxtiyorova o‘zining Instagram sahifasida mazkur tadbirning eng unutilmas lahzalarini aks ettiruvchi video bilan bo‘lishdi. Videoda Shaxriyor, Zilola va ularning qizi Sofiya kattagina sharni ushlab turgani ko‘rinadi.
Shar igna yordamida yorilganida, ichidan ko‘k rangdagi kichik sharchalar uchib chiqadi. Bu esa kelajakda o‘g‘il farzand tug‘ilishini bildirgan.
Mazkur onlar oilaning barcha a’zolari uchun unutilmas bo‘ldi. Shaxriyor va Zilola bir-birlarini mehr bilan quchoqlab, yangi farzandlari uchun minnatdorlik bildirishdi.
Qizlari Sofiya ham ukasi bo‘layotganidan xursandligini yashira olmadi va ota-onasi bilan birga quvonchga sherik bo‘ldi. Baxtiyorovlar oilasining ushbu baxtli lahzalari ijtimoiy tarmoqlarda keng tarqaldi.
Muxlislar ularga samimiy tabriklar yo‘llab, farzandlari sog‘-salomat dunyoga kelishini tilashdi. “Xonadoningiz baxt va shodlikka to‘lsin!” kabi ezgu tilaklar bildirilgan izohlar ko‘p bo‘ldi.
Baxtiyorovlar oilasi uchun yangi bir davr boshlanmoqda. Muxlislar esa ularning baxtiga sherik bo‘lib, bu quvonchli voqeaga guvoh bo‘lmoqda.
